බදු වලට අමතර රටකට ආදායම් සොයා ගැනීමට නම් එක්කෝ නිෂ්පාදන අපනයනය කළ යුතුය.නැතහොත් සේවා සැපයිය යුතුය.නිෂ්පාදන යැයි පවසමින් යල් පැනගිය කර්මාන්ත තුලින් කිසි දිනෙක රටකට සෑහෙන ආදායමක් සොයාගත නොහැක.ලෝකය ජයගන්නට ව්‍යාපාර කරන්නේ නම් නවීන තාක්ෂණය,ව්‍යාපාර උපාය මාර්ග,හොඳ වෙළඳ පල වැනි මුලික දේ වල සිට ආර්ථික රොකට් සයන්ස් තියරි පවා අවශ්‍ය වේ.අවුරුදු ගණනක් එක තැන පල වූ රාජ්‍යක් හැටියට එය ලෙහෙසි නොවේ.එනම් අපට කළ හැකි හොඳම පියවර ඇති හැකියාව තිබෙන ආයෝජක ජනතාව රටට වද්දා ගැනීමයි.නමුත් ඔවුන් කිසි දාක දකින දකින තැන කර්මාන්ත පටන් ගන්නේ නැත.එයට හොඳ පරිසරය අවශ්‍ය කරයි.සිදුහත් කුමාරයා උපත ලබන්නට පෙර පස්මහ බැලුම් බැලුවා මෙන් ඔවුන්ද ආයෝජනය කරන්නට පෙර දහසකුත් දේ සොයා බලයි.මොකද ඔවුන් වියදං කරන්නේ ඔවුන්ගේ මුදල් නිසා.භුමිය,ආරක්ෂාව,අමුද්‍රව්‍ය,රජයේ අනුග්‍රහය පවා ඔවුන් බලාපොරොත්තු වෙන බවද අරුමයක් නොවේ.
ඒ නිසා ආයෝජකයන්ට හිතකර පරිසරයක් රට තුල ගොඩනැගිය යුතුයි.මීට පෙර කලක ආයෝජකයෝ අප රට දෙස හැරී වත් නොබැලුවේ පැවතුනු යුද්ධය නිසා බව නොරහසකි.ලාංකීය පුතුන්ගේ කර පිටින්ම එයත් දැන් අවසන්ව ඇත.එසේ වුවත් හරි හැටි පරිසරයක් ගොඩ නැගී නැත.විදෙස් කුමන්ත්‍රණ යැයි පවසන ඊනියා දේශප්‍රේමින් කෑගසන තුරු මෙතැනට එන්නට පිට වුන් කැමති වේවියැයි සැකයකි.මක් නිසාද ලොකු සල්ලියක් යටකොට වැඩක් පටන්ගත් තැන කැරලි කරුවෝ එය විනාශ කලොත් පාඩුව ඔවුන්ටමය.ඉතිං ඔතන සඳහන්ව ඇත්තේ කීපයක් පමණයි.සරලවම කියතොත් ආයෝජකයන්ට හිතකර රටක් ඇතිවන තාක් අපිට හරිහමන් ආදයාම් මාර්ගයක් සොයා ගැනීම අපහසු බවයි.එයට ශ්‍රී ලාංකිකයෝ සෑම දෙනෙක්ම ධනාත්මකව සිතා කටයුතු කළ යුතු අතර,පටු දේශපාලන වාසි තකා ක්‍රියා කරන තාක් අපේ රට තව දුරටත් එකතැන පල් වෙන එක නවත්තවනු නොහැකිය.
ගරු අගමැති තුමනි,නිෂ්පාදනය මෙන්ම සේවා සැපයීම මගින්ද රටක ආදායමට යම් බලපෑමක් කරගත හැකි බව ඔබට අලුතෙන් උගැන්විය යුතු දෙයක් නොවේ.රටට ලඟා වෙන සංචාරකයෝ බලාපොරොත්තු වන්නේ හොඳ නිවාඩුවක් බව කාටත් වැටහේ.නමුත් ඔවුන් සමහර කුට වෙළඳුන්ට,මිනිසුන්ට හසුවී සිත් අමනාපයෙන් පිට වේ නම් සංචාරක ව්‍යාපාරයට කෙතරම් පාඩුවක්ද.සේවාසපැයීම් මගින් ආදායමක් බලාපොරොත්තු වන අපට විශාල පහරකි.මුදල් ගෙවා ලංකාවේ නිවාඩුවක් ගත කිරීමට හෝ වෙනයම් අවශ්‍යතා සඳහා පැමිණෙන සංචාරකයන් මෙරටට පය තැබූ තප්පරයේ සිට ඔවුන්ව රැක බලා ආරක්ෂාව සැපයිය හැකි යම් වැඩපිළිවෙලක් ඇතිකළ හැකිය.නවීන තාක්ෂණය භාවිතයෙන් එය සිදු කිරීම ඇත්තටම පහසු දෙයකි.මේ හරහා ඔවුන්ට මගතොටකදී කරදරයක් වුවත් එයට විසඳුමක් හෝ තිබීම මගින් අප ගැන යම් පැහැදීමක් ඇතිකර ගත හැකිය.මහා ලොකු උත්සව,සමුළු,දින,මුද්දර නිකුත් කිරීම් සිදු කරන අතරතුර මෙවැන්නක් කළ හැකිනම් එය කෙතරම් අගනේද?එවන් රටකට වරක් ආ සංචාරකයෙක් තවත් වරක් නොපැමිනේවිද?එන්නට ඉන්නා කෙනෙකු නවත්වාවිද?අගමැති තුමනි,මේවාට උදවු ගත හැකි දැනුමැති,ආකල්ප ඇති තරුණ පිරිස් ලංකාව තුල එමට බව කියන්නට කැමතියි.කොමිස් ගසන පගා පප්පලා අරක් ගත් රාජ්‍ය ආයතන වලට එවැනි වැඩක් කළ හැකි පිරිස් සම්බන්ද කරගනිමින් අලුත් වැඩ පිළිවෙලක් අවශ්‍ය නොවේද?යහපත් ලෙස ගනුදෙනු කරන්නේ කෙසේදැයි උපදෙස් ලබා දී කුඩා කර්මාන්ත කරුවන්ට තම නිෂ්පාදන හා සේවා අලෙවි කිරීමට සංචාරකයන් පෙළ ගස්වා දෙන්නේ නම් රැකියා විරහිත කීප දෙනෙකු හෝ ලිස්ට් එකෙන් ඉවත් කරගැනීමට නොහැකි වේවිද?අන්න ඒ දින සංචාරකයෝ මෙන්ම අපේ රටේ ජනතාවද රට ගැන පැහැදෙනවා ඇත.අවාසනාවකට ඔවැනි දේ වල ආරම්භක උත්සව විශාල වියදමකින් පවත්වා එය එතැනින්ම නිම කිරීම දැනට සිදු වී ඇති දෙයයි.කූට වෙළෙන්දෝ තම ව්‍යාපාර දිගටම කරගෙන යන අතර,කිසිඳු සැනසීමක් නැති රටකට සංචාරකයෝ නැවත ඒවිද?
අගමැති තුමනි,එතැනින් එහාට ඇඟ බේරා ගන්නට රජයක් ලෙස නොහැකිය.අලුත් කර්මාන්ත,සේවා,ඇතිවන තැන්හි පරිසර දුෂණය,සමාජ ප්‍රශ්ණ වැනි අතුරු ඵල නොලැබේ යැයි සිතීම බොරුවකි.එසේනම් ඒවාටද මුහුණ දිය යුතුය.පවුලේ පියා වැඩිපුර මුදල් සොයන්නට ගොස් පවුල අතර සම්බන්දතා බිඳිය හැක,වෙනත් ප්‍රශ්න මතුවිය හැක,ඉතිං ඒවාටද පිළියම් සෙවීම තාත්තාගේ වැඩක් සිතා පවුලේ අනිත් උදවියට කර ඇරිය නොහැකිය.අප පිළිගත යුතුය,තනිව නැගිටීමට අපහසුය.උදවු අවශ්‍යය.නමුත් හිඟමන් යැදීම අනවශ්‍යය.එන්න ව්‍යාපාර අරඹන්න.හරියට කරන්නට හැකිනම් අපේ සහයෝගය ලැබෙනු ඇත.අප ලබා දිය යුතු පණිවිඩය එයයි.උදේ සිට හවස් වෙනතුරු ඔවුන්ට බැනීම නොවේ.
ඉතිං කලින් කී සේ අප වෙනස් විය යුතුය.ජනතාවක් ලෙස ආකල්පමය වෙනසක් අවැසිය.ඉතිං ඒවාටද විකල්ප සොයමින් ආදායම් මාර්ගයක් සොයාගැනීම කළ යුතුය.
